आपण रामायण लहानपणापासून ऐकत आलो आहोत परंतु रामायणातील बरीचशी ठिकाणे आपण ऐकलेली तर असतात परंतु पाहिलेली नसतात. आज रामनवमीच्या निमित्ताने या दुर्लक्षित ठिकाणांची चित्ररूपी सफर करूया...!!
- गंधमादन पर्वत - तिबेट मधील हिमालय पर्वत रांगेत गंधमादन पर्वत आहे. इथे हनुमान आज ही निवास करतात अस मानल जात. इथूनच रावणाशी युद्धाची तयारी केली असल्याच म्हटलं जात. आणि भीमाच गर्वहरण ही याच पर्वतावर झाल होत. या पर्वतावर एक मंदिर आहे जिथे प्रभू श्रीराम यांच्या पावलांचे ठसे आहेत.त्याचप्रमाणे रामेश्वर मध्ये हि एक गंधमादन पर्वत आहे जिथून हनुमानाने लंकेत जाण्यासाठी उड्डाण केलेलं.
- किष्किंधा, कर्नाटक - हम्पी पासून जवळच आसपास वसलेल्या भागात सुग्रीवच राज्य होत. पूर्वीच्या काळात दंडकारण्यात हा भाग यायचा. येथे वानरराज वाली व सुग्रीव यांची राजधानी होती. कर्नाटक राज्यातील तुंगभद्रा नदीकाठच्या हंपीजवळचे आधुनिक अनेगुंदी गाव म्हणजेच प्राचीन काळची किष्किंधा नगरी असे म्हणतात. अनेगुंदीपासून थोड्या अंतरावर आग्नेयीकडे तुंगभद्रेच्या काठी वालीप्रासाद व सप्ततालवेधस्थान दाखविले जाते. या स्थळापलीकडील गुंफेमध्ये रामाने वालीवधानंतर विश्रांती घेतली होती. नदीच्या पलीकडील तीरावर वालीवधाचे स्थान असून, तेथील श्वेतशिला वालीच्या अस्थी म्हणून दाखवितात, तर त्याजवळच्या पर्वत शिखरांना तारा, अंगद व सुग्रीव यांच्या नावांनी संबोधतात.
- कोथंड रामास्वामी मंदिर, रामेश्वरम - अस म्हटलं जात कि रावणाला हरवल्यावर प्रभू श्रीमांनी बिभीषणाचा राज्याभिषेक इथेच केलेला. बिभीशनाचे भारतातील एकमेव मंदिर इथेच आहे. ज्या दगडांनी रामसेतू बनवला गेला त्याच दगडाने निर्मित एक शिवलिंग शेजारीच आहे जे पूर्णत समुद्रात आहे आणि जे कधीच पाण्याखाली बुडत नाही.
- दिविरुम्पोला, श्रीलंका - सीतामातेने ज्या ठिकाणी अग्नीप्रवेश केला, त्या स्थानावरील अश्वत्थ वृक्ष आणि मंदिर. श्रीलंकेतील मध्य प्रांतातील अतीउंच पर्वतीय भागात हे स्थान आहे.
- गुरुलूपोथा, श्रीलंका - येथे रावणाची पत्नी मंदोदरी हिच्या महालाच्या अवशेषांची छायाचित्रे ! सीतामातेचे रावणाने अपहरण करून तिला याच महालात ठेवले होते.
- अशोक वाटिका, श्रीलंका - ‘सीतामातेच्या शोधात आलेल्या रामभक्त हनुमानाने या दगडावरून ज्या अशोक वृक्षाखाली सीतामाता बसली होती, त्या वृक्षावर झेप घेतली’, असे म्हणतात. दगडावर त्याचे पाऊल उमटले आहे.
- शरयू नदी, अयोध्या - प्रभु श्रीराम आणि त्यांच्या प्रजेने अयोध्येतील याच शरयू नदीत जलसमाधी घेतली होती.
- अयोध्या - भारताचा राजा, रावणाचा नाश करून श्रीलंका जिंकणाऱ्या अवतारी प्रभु श्रीराम यांच्या अयोध्येतील सध्याच्या स्थानाची स्थिती
संदर्भ :
- सनातन संस्था
- दैनिक भास्कर
- विकिपीडिया
एक छान सफर घडवलीत 👍
उत्तर द्याहटवाअयोध्येत लवकरच एक भव्य मंदिर अस्तित्वात येतेय , ते झाल्यावर शेवटचा डोळ्यात खुपणारा फोटो तुम्ही बदलालच :)
आपल्या कडे ज्ञान भांडार प्रचंड आहे. तुम्हाला भेटायला नक्कीच आवडेल.
उत्तर द्याहटवामाहित नसलेली माहिती सर्वांना उपलब्ध करून दिली... 👍👍
उत्तर द्याहटवाछान माहिती आहे
उत्तर द्याहटवा